據外電報道，華為為咗尋求英國推遲喺5G電訊網絡當中移除華為製造嘅設備，提出希望同英國首相約翰遜見面。
《星期日泰晤士報》指出，華為希望撤出時間可以推遲去到2025年6月英國首相大選之後，希望到時嘅新政府可能會有唔同嘅見解，撤銷封殺華為嘅相關決定。
據報道指出，作為回報，華為將會保證喺英國維持2G、3G同4G網絡設備嘅運作。
之前亦有提過，約翰遜發言人對外宣稱，就對華為喺5G設備上嘅去留問題，預料會喺7月22號之前公佈有關嘅最終決定。
英國政府嘅決定，除咗牽涉到華為喺當地嘅5G發展，同時亦關乎中英兩國嘅關係。甚至可能會威脅到滙豐嘅業務。
之前滙豐集團主席據報曾經向英國政府表達過，如果英國決定喺5G建網上面剔除華為，滙豐會遭受到中國政府嘅報復。
今次英國嘅決定將會牽涉到好多嘢。除咗要考慮到英國自身嘅利益之外，亦都要考慮「好朋友」美國嘅感受。要下一個兩全其美嘅決定，真係好難。
