英國喺美國施壓之下最終決定禁用華為5G設備。中國一方面嚴厲批評呢個完全係一個政治化嘅決定,而唔係真係同安全相關嘅考量。
而中國亦從呢件事上面吸取咗教訓,明白到必須要加快自家5G發展嘅步伐。

正當歐洲部份國家對5G方案仍然猶豫不決嘅時候,中國國內5G基站建設正在如火如荼咁進行當中,每星期都有上萬座基站建成。到今年年底,三大營運商將會喺全國建成55萬座基站。

中國5G基礎設施發展迅速有賴於當局喺疫情後對經濟重振嘅支持。中國經濟重振計劃通過加強新型基礎設施建設、建設充電樁等實現。

呢啲投資分別來自電信營運商同國家級、省級公共資金。隨住對天綫、核心網、數據中心同終端等設備嘅需求增長,呢幾方面嘅投資將會加速推動全行業發展。

最近新加坡同日本分別有研究機構指出,雖然受到唔少國際壓力影響,但係華為繼續大舉投資5G並喺全球5G主要專利持有數量排行榜上領先其他公司。

LEAVE A REPLY

Please enter your comment!
Please enter your name here