喺疫症確診病例超過364萬宗嘅美國,部分民眾仲係懷疑緊帶口罩嘅作用,有人甚至將口罩裏面嗰條金屬鼻樑條當做係5G天線!?幻想無線電波會控制人嘅大腦導致癌症。

由於謠言不斷擴散,美國CBS17電視台迫於無奈製作咗一個節目專門闢謠,向民眾講解金屬條嘅構做同功用。

據電視台報導,謠言認為,一次性口罩裏面有一條5G天線。政府會通過呢條天線用無線電波去跟踪同控制人民,最終啲電波會導致大腦生癌。

呢個冇任何科學根據嘅謠言近日喺社交媒體上面瘋狂擴散,網友不停轉發同時互相警告大家千祈唔好帶口罩,就算買咗都要掉咗佢。

CBS17電視台追踪到呢個謠言嘅起源。起源就係一個女網友發佈咗一條影片。條片裏面佢剪開咗個口罩,指住鼻樑條金屬條話係「5G天線」。
佢仲好認真咁話:「佢哋喺娛樂場所同其他地方派口罩,前幾日我自己都買咗5個。呢個就係佢哋(政府)計劃殺死我哋嘅方法。」

喺電視台製作嘅影片當中,調查員拆開咗一個口罩,向觀眾介紹咗呢條金屬條嘅專利。呢條金屬條設計可以追溯到上世紀70年代,當時仲未有1G、2G、3G信號同任何智能電話。
呢條金屬條係用嚟令口罩同鼻樑更貼合,令口罩封閉性更好嘅設計。

電視台最後勸告市民絕對唔使擔心口罩,裏面冇5G天線,用家唔可以用個口罩下載任何嘢,亦唔能夠用佢嚟打電話。口罩唯一嘅用途就係幫助你抵禦病毒。

根據美國最新發表嘅統計數據,截至7月18號,美國累計確診病例已經有3647715單,其中死亡人數高達139266人。

LEAVE A REPLY

Please enter your comment!
Please enter your name here