最近有消息指出,富士康計劃喺青島興建最新一間先進芯片封裝同測試嘅工廠已經正式開始動工。
新工廠計劃投資600億,主力生產5G同人工智能相關設備嘅芯片,提供先進封測技術。對於呢個消息,富士康回應投資金額數字唔係事實,正確資料將會以之後發佈嘅官方簽約新聞為準。

另外,富士康其中一個最重要嘅客戶 – Apple. 有零件供應商爆料2020年嘅新款 iPhone 將會去到10月下旬甚至11月先至會正式發佈。

爆料人士聲稱,蘋果嘅 4G 版 ‌iPhone 12‌ 將會喺10月發佈或者上市,而 5G 型號就可能要等到11月。
佢更加透露,蘋果A14處理器係由台積電嘅 5nm 技術製造,將會採用全新inFO天線封裝技術,可以減少芯片同天線之間互相干擾。

根據以往嘅慣例,蘋果咁多年嚟都係喺9月份發佈最新型號 iPhone,通常喺發佈之後一個月內就會正式發售。

到目前為止,已經有好多消息話 iPhone 12 會延遲上市,其中大部份都認為蘋果仍然會喺9月舉辦發佈會,但係某一啲型號甚至全部2020年款 iPhone 都會喺接近年尾先至上市。

究竟實情係點,相信要等多一兩個月先會有比較明確嘅消息。大家真係要拭目以待。

LEAVE A REPLY

Please enter your comment!
Please enter your name here