喺美國極力拉攏同施壓之下,華為喺歐洲嘅業務可能會進一步受限。根據路透社報導,歐盟執委會星期五表示,歐盟國家必須採取緊急行動,令到5G供應商多元化。

歐盟舊年11月同意對5G供應商採取強硬立場,以降低網絡安全風險。有關策略包括減少各國同電訊商們對一間供應商嘅依賴。

歐盟官員表示,逐步淘汰高風險供應商導致嘅額外成本,唔會破壞5G網絡喺成個歐盟嘅推進。愛立信同諾基亞有能力滿足歐盟各國對5G設備嘅需求。


諾基亞同愛立信喺世界各地嘅5G市場佔咗好大比率,兩間公喺全世界簽咗嘅5G合約加埋應該超過50%到60%,甚至去到65%。

之前英國正式宣布封殺華為之後,有傳法國當局亦通知咗計劃購買華為5G設備嘅電訊營運商,設備牌照到期之後唔會再續期。呢個做法實情就係將華為設備逐步喺流動網絡剔除。

好多人都關注以上種種行動,會唔會令到華為喺歐洲嘅業務進一步受挫。

LEAVE A REPLY

Please enter your comment!
Please enter your name here