根據外國媒體報導,受疫情影響嘅關係,之前外媒及研究機構曾經下調全球智能電話同5G智能電話今年嘅銷量。但係由於中國市場表現比預期好,近日又有外媒對5G智能電話出貨量嘅預測作出調整。

最新預測全球5G智能電話今年出貨量將會超過2.5億部,喺今年全球智能電話出貨量當中佔超過25%。之前嘅預測係唔到2億部。

不過喺呢個最新預測當中,並冇提高到全球智能電話嘅總出貨量。預計今年出貨量將會下降到11.5億部,比舊年下跌咗15.2%。

報導表示,各大中國智能電話品牌已經推出咗好多入門級同中階嘅5G智能電話。呢啲型號將會有助提升用戶更新電話嘅意欲。5G智能電話今年喺中國市場嘅出貨量將達到1.7億部,佔咗全球5G電話嘅三分之二。

報導裏面預計今年喺中國推出嘅新款智能電話裏面,5G機款將會佔52.7%。即係話5G機嘅銷量將會超過非5G機。

由於受到5G電話市場嘅推動,預計下半年中國智能電話出貨量將會同舊年差唔多,或者只會有輕微下滑。

LEAVE A REPLY

Please enter your comment!
Please enter your name here