雖然5G喺中國大陸發展得唔錯,但係由於疫情嘅影響,數字上比起舊年普遍都有下跌跡象。

2020年7月份,國內智能電話市場總出貨量達到2230.1萬部,同舊年同期相比下跌34.8%;
而1月份至7月份,整體出貨量累計有1.75億部,比舊年下跌20.4%。

上市嘅新機款亦都減少咗。 2020年7月份,國內上市嘅新型號智能電話有40款,比舊年少咗23.1%。 1月份至7月份,上市新機型累計有256款,相對舊年少咗14.1%。

而5G電話嘅普及就正在穩步加速。5G電話佔咗國內智能電話出貨量一半以上。
根據中國信通院統計數據顯示,2020年7月份,國內市場5G電話出貨量有1391.1萬部,佔同期電話出貨量嘅62.4%。

雖然出貨量下跌,但國產品牌喺中國智能電話市場得到非常好嘅成績。
2020年7月份,國產品牌電話出貨量係2072.4萬部,佔同期電話出貨量嘅92.9%。
新推出嘅5G機型共有36款,佔同期新推出市場嘅新型號電話數量嘅90%。


1月份至7月份,國產品牌電話出貨量累計有1.6億部,佔同期電話出貨量91.2%。

以上種種數字都代表咗國內智能電話市場已經有好大部份偏向咗5G機款,當中更加有好大部份係嚟自中國品牌。


中國品牌嘅5G電話由低階到高階旗艦級都有好多唔同選擇。其他國家嘅牌子如果想喺5G電話上面攞到領先地位,真係要急起直追。

LEAVE A REPLY

Please enter your comment!
Please enter your name here