俄羅斯流動網絡營運商 Beeline 同諾基亞以及高通合作喺聖彼得堡推出5G測試區。普通用戶可以一個月內喺測試區範圍內測試5G。

為咗呢個聖彼得堡嘅5G網絡測試區, Beeline 已經獲得使用2600MHz到2800MHz頻段嘅臨時許可証。

Beeline 負責技術嘅執行副總裁表示,公司第一次喺聖彼得堡推出一個為時一個月嘅長期5G測驗區,希望用戶有機會通過實際嘅產品體驗去親身感受5G網絡相對起4G嘅優勢。

而俄羅斯外長拉夫羅夫日前喺全俄青年論壇上就表示, 俄羅斯非常有興趣同華為喺5G領域展開合作。
拉夫羅夫強調俄羅斯唔會效仿美國禁用華為,相反俄羅斯願意喺5G方面同華為展開深入合作。

目前,俄羅斯最大嘅電訊營運商 MTS 已經攞到5G牌照,而佢哋亦選擇咗同華為合作。


雖然俄羅斯仲未正式推出5G流動網絡,但係根據之前嘅報導,各大電訊商都希望可以喺今年之內成功推出5G服務。

LEAVE A REPLY

Please enter your comment!
Please enter your name here