西班牙電訊公司Telefonica星期二喺西班牙正式推出5G網絡,並承諾到今年年底將覆蓋全國75%人口。

根據流動通訊行業組織GSMA嘅講法,5G網絡為用戶提供嘅下載速度最少係4G嘅三倍,某啲網絡嘅速度甚至提高咗1,290%咁多。

西班牙電訊將會為私人同公司客戶提供服務,並致力透過5G技術為交通、旅遊、能源、汽車工業同醫療保健等等關鍵領域,帶嚟大大少少直接或間接嘅相關收益。

西班牙電訊總裁 Jose Maria Alvarez-Pallete 表示:「5G將會為西班牙帶嚟巨大嘅利益。5G唔單單係同智能電話有關,而且係一場革新,因為5G喺各個行業中都會有實際應用。並且令到我哋可以擴大網絡嘅覆蓋範圍去到一啲農村地區。5G將會幫助西班牙 “推動第四次工業革命”。」

2020年,歐盟委員會將西班牙列為歐盟第五大 「connected」 國家,意味住佢哋嘅網絡覆蓋同質素都非常完善。頭四位分別係:丹麥、瑞典、盧森堡同拉脫維亞。

西班牙總理佩德羅·桑切斯(Pedro Sanchez)啱啱亦都喺星期一宣佈,西班牙經濟嘅「數碼化」將會成為未來幾年西班牙經濟復甦嘅支柱。

LEAVE A REPLY

Please enter your comment!
Please enter your name here