冰島每日報報導,冰島 Vodafone 喺9月1號正式激活咗第一座5G發射機站,並且喺雷克雅未克示範咗正在建設當中嘅5G系統同埋電子通訊網絡。冰島 Vodafone 嘅5G技術係採用咗華為嘅設備。

報導裏面提到,華為已經成功完成咗第一批基站嘅安裝,並且俾咗部份 Vodafone 同 Nova 嘅客戶進行初步測試。佢哋將會喺時機成熟嘅時候喺冰島全國范圍內共同安裝5G基站。

Vodafone 技術總監 Kjartan Briem 表示,5G流動通訊網絡傳輸速度比4G快十倍,下載一部電影只係需要幾秒鐘。呢個新技術將會對未來嘅社會產生重大影響,所以佢哋需要加快推行5G技術喺冰島嘅發展。

有唔少地方都已經推出咗5G網絡,有啲地方已經推出咗一年有多,冰島確係要加把勁加快推動5G嘅步伐。

順帶一提,韓國作為第一個正式推出5G服務嘅國家,根據韓國科學技術信息通信部9月1號發表嘅一項數據顯示。直到今年7月為止,韓國5G網絡用戶數量已經達到接近800萬人。不過,4G依然係目前韓國用戶嘅主流。

睇嚟無論係推出咗定係未推出5G嘅地方都各自要繼續努力去推廣5G呢個新技術。

LEAVE A REPLY

Please enter your comment!
Please enter your name here