尋日終於有第一間電訊供應商推出咗香港首個 5G 月費計劃詳情。
有 5G 網絡都需要 5G 電話配合，暫時香港已經上市嘅 5G 電話唔多。
今日就同大家睇吓近期發表嘅新智能電話。相信有好多部遲啲都會喺香港有得賣。
知名跑分評測軟件魯大師啱啱發表咗 2 月發佈嘅智能電話排行榜。
我哋一齊睇吓呢個「2 月新機流暢度」排行榜。
頭三位分別係華為 Mate Xs, 三星 Galaxy S20+ Ultra 同 Galaxy S20+. 小米重頭作小米 10 Pro 就排第四。
賽果唔意外，仲幾合理添。不過部分新機測試數據較少或者係工程機，可能到正式上市嘅時候會有唔同。
其實以旗艦機計，效能應該唔會相差好大。 值得留意嘅係，喺呢 14 部機裏面，只有三星 Galaxy Z Flip 同 Sony Xperia 10 II 唔係 5G 機。
即係話暫時今年出嘅電話基本上都支持 5G, 大家將會有好多選擇，可以慢慢睇定啲再入手。
