愛立信宣佈,瀋陽地鐵9號線嘅乘客已經可以跨全線22個地鐵站使用中國移動5G網絡。而網絡嘅5G設備係採用咗愛立信嘅無綫點系統(Ericsson Radio Dot System)。
22個地鐵站超過500個5G無線點只係用咗20日就安裝完成,比預期提前咗40日。

瀋陽地鐵系統每日載客量超過90萬人次。瀋陽地鐵9號線配合中國移動同愛立信喺5G網絡上面嘅合作,有助滿足流動網絡用戶日益增長嘅數據傳輸需求。
尤其係令到乘客候等緊車或者轉車嘅途中保持高質量而且唔會斷線嘅影片同串流播放。

愛立信5G無線點系統可以喺中國移動多個唔同嘅頻率上面運行,能夠提供穩定同快速嘅網絡體驗。下載速度保持喺1Gbps,最高傳輸速度可以達到1.4Gbps,10秒之內就可以下載一部1G嘅高清電影。

根據《愛立信流動市場報告》(2020年6月版)預測,流動網絡流量將會喺2019年至2025年期間每年增長31%。
絕大部分流量增長嚟自觀看影片,影片流量預計將會由2019年佔據總流量63%增長到2025年嘅76%。
社交媒體、電子零售、遙距辦公普及以及持續增加嘅流動瀏覽量進一步推動咗數據用量增長。

隨住5G喺中國加速發展,愛立信預計全球5G用戶數量將會喺2020年底增加到1.9億。

LEAVE A REPLY

Please enter your comment!
Please enter your name here