沙地阿拉伯電訊營運商 Zain KSA 發出一份新聞稿表示,已經喺 Qurayyat,Ras Tanura 同Tabarjal 幾個城市完成5G網絡鋪設。
加埋之前已經完成咗嘅地方,Zain KSA 嘅 5G網絡已經成功覆蓋咗沙地阿拉伯全國38個城市。

Zain KSA 表示希望通過5G網絡對沙地阿拉伯全國性覆蓋可以幫助經濟、社會同知識水平上面嘅新發展。5G服務將會為各個地區開創新前景,可以為居民提供創新同發展嘅工具,並且推動經濟多樣化以及提高國民經濟競爭力。

Zain 喺2019年10月正式喺沙地阿拉伯推出5G流動網絡。公司喺初期就部署咗2,000個基站,覆蓋沙地阿拉伯20幾個城市。
到咗2019年年底,全國26個城市當中已經有2600個基站。

2019年6月,諾基亞宣布同 Zain 喺沙地阿拉伯合作發展5G,Zain 嘅5G網絡會採用諾基亞嘅設備。網絡係使用2.6 GHz、3.5 GHz 同埋 mass MIMO 去增強網絡容量,覆蓋範圍以及改進上下載速度。諾基亞表示將會喺某啲地區使用 E-Band 微波去提供超高容量嘅回程網絡。

而沙地阿拉伯另一間電訊公司 STC 亦都喺2019年6月正式啟動咗5G服務。公司目前通過3.5GHz頻段裏面嘅100MHz頻譜提供5G服務。

2019年2月,STC亦都同諾基亞簽約,確定使用諾基亞嘅設備去鋪設5G網絡。
除咗諾基亞,STC 仲用咗愛立信嘅商業硬件同配套軟件,包括無線接入網(RAN),分組核心同愛立信嘅網絡管理器。

LEAVE A REPLY

Please enter your comment!
Please enter your name here