面對國內反對5G技術嘅聲音,法國總統馬克龍話佢唔認為返去以前嘅「油燈時代」可以解決到現代嘅問題。

馬克龍早兩日話雖然有反對者傾向於抵禦現代文化同科技,唔想依賴科技去解決問題。不過法國仍然會繼續按照計劃推出5G流動網絡。

早前有接近70名法國左翼民選官員同環保主義者呼籲法國暫停喺今個月尾推出5G技術。

喺14號一個由法國科技初創公司參加嘅會議上面,馬克龍對各公司領導人表達法國係一個推崇創新嘅國家,政府將會努力製止所有關於5G錯誤嘅觀念。

法新社報道,5G網絡被認為有望喺無線數據傳輸上實現幾何級嘅躍進,從而實現自動駕駛汽車、虛擬現實技術(VR)、互聯健康技術嘅進步。

不過喺法國,呢啲技術都受到嚴格審查,有人呼籲就5G基礎設施對環境同健康嘅影響進行更多研究。
喺未有好確實嘅結果之前暫緩推出5G網絡。

LEAVE A REPLY

Please enter your comment!
Please enter your name here