根據美國媒體報導,美國空軍目前正在尋找合作夥伴,希望喺美國20個空軍基地安裝新嘅流動網絡設施。目標係為咗擴大5G喺各個軍事基地嘅覆蓋範圍。

新設施首先會為基地提供高容量嘅LTE服務。 基地裏面嘅主要地點包括基地主樓,空軍人員同家屬嘅醫院、辦公室同提供基地人員日常需要嘅購物區都會得到更好嘅網絡覆蓋。
接收範圍亦都希望可以擴展到飛機服務及維修區、軍人宿舍同娛樂場所。

為咗方便供應商可以更快速喺基地範圍內嘅建築物加設室外小型基站天線去增強覆蓋範圍。 空軍亦盡量將流程簡化。
包括政府豁免租用安裝設施地方嘅收費,而空軍或聯邦政府甚至會免費幫忙規劃、建造同操作呢啲設施。

為咗確保所有基地都可以獲得更大嘅網絡接收範圍同能力,空軍正在將基地劃分為多個區域,並評估各區域嘅實際情況,希望可以搵到每個區域嘅最佳解決辦法同合作公司。

項目仲會涉及房地產交易,其中政府將會租出閒置嘅土地、燈柱、建築物或者水塔。
等合作公司去安裝所需無線通訊設備。希望透過增加網絡設施嘅密度可以增強同改善到語音同數據信號。更加希望可以提升數據嘅上下載速度。

空軍目前正在同 Verizon 合作,喺喬治亞州,佛羅里達州,印第安納州,北卡羅來納州,南卡羅來納州,田納西州嘅基地進行5G安裝。

LEAVE A REPLY

Please enter your comment!
Please enter your name here