自從韓國三大營運商喺舊年4月份率先推出5G網絡服務,之後越嚟越多唔同國家營運商加入。
根據9月份外國媒體調查所得,目前全球推出咗5G流動網絡服務嘅電訊營運商已經超過咗100間。

嚟自全球流動供應商協會 (GSA) 上星期喺官網公佈嘅數據顯示,全世界推出咗5G服務嘅電訊營運商已經超過咗100間。

全球流動供應商協會上星期喺官網上公佈嘅數據顯示,截至9月中,全球已經有101間電訊營運商,喺44個國家或地區,推出咗一種或多種符合3GPP標準嘅5G流動網絡。

8月份,全球流動供應商協會亦曾經喺官網公佈全球5G發展狀況,當時有96間營運商喺41個國家或地區推出咗符合3GPP標準嘅5G服務。

除咗101間已經推出5G網絡服務嘅電訊營運商之外,亦有非常多營運商已經喺佢哋自己嘅網絡當中部署緊5G相關技術,大量嘅營運商正在進行5G方面嘅投資。

全球流動供應商協會官網嘅數據同時亦顯示,129個國家或地區嘅397間營運商,正在進行5G方面嘅投資,當中已經有124間營運商,喺自己嘅網絡中部署咗符合3GPP標準嘅技術。

所以相信喺短期內全球推出5G服務嘅電訊營運商會越嚟越多。5G嘅普及有望喺2021年有顯著嘅大躍進。

LEAVE A REPLY

Please enter your comment!
Please enter your name here