美國努力拉攏其他國家封殺華為,咁當然另外兩大5G設備供應商都會有所得益。好似諾基亞咁,最近佢哋就宣佈已經同英國電訊(BT)達成提供5G設備嘅協議。

諾基亞將會成為 BT 最大嘅設備供應商。今次亦都係諾基亞新 CEO Pekka Lundmark 上任後簽成嘅第一份重要合約。

諾基亞將會提供額外基站同天線俾 EE(Everything Everywhere,BT 旗下網絡),使到 EE 用戶都可以透過 BT 嘅 5G 網絡進行通話同使用數據。合約裏面仲包括代替華為2G同4G網絡。

英國就跟隨美國「去華為」嘅方針。不過並唔係所有人都咁「聽話」。

例如葡萄牙 – 雖然早幾日美國駐葡萄牙大使接受採訪嘅時候威脅話如果葡萄牙唔排除華為 5G 設備,可能會喺安全同國防領域承擔相應後果。


不過葡萄牙總統德索薩就回應話葡萄牙嘅政策係由萄國人民嘅政府決定。
葡萄牙外長席爾瓦亦都表示,為國家利益作出決定應該係葡萄牙政府,佢哋係唔會屈服喺美國嘅壓力之下。

LEAVE A REPLY

Please enter your comment!
Please enter your name here