隨住疫情喺中國部分地區初步得到控制,好多工廠都已經開始復工,但係產能仍然比平常低。

據業內人士估計,疫情期間整體智能電話銷售跌3成,而疫情對中國智能電話銷售嘅影響會持續到3月底。

保守估計疫情會喺2個月內被受控制,並需要3個月時間恢復。所以預測今季中國嘅銷售額將比原先預測下跌約25%,全年銷量比舊年下跌7%。整體而言,第1季及第2季全球及中國智能電話銷售會出現負增長。

以5G電話嚟講,舊年三星5G智能電話佔全球銷量達74%,當中 Note 10 Plus 5G 係舊年美國最暢銷嘅5G電話。

分析師指出,舊年5G電話銷量佔智能電話總銷量嘅1%,預計今年會增加到25%。

針對消費者對智能電話消費行為做嘅研究顯示,鏡頭、電池同處理器係消費者決定選購一部電話嘅決定性因素。當中「多鏡頭」更成為一個主要嘅考慮條件。

LEAVE A REPLY

Please enter your comment!
Please enter your name here