根據一項最新研究發現,到咗2025年,電訊營運商喺5G流動網絡得到嘅收入將會達到3570億美金。相對2020年嘅50億美金有大幅度增長。
到咗2025年,由於4G流動網絡用戶大量轉移到5G網絡,加上5G技術已經應用喺好多唔同行業唔同範疇上面,預計5G收入將會佔全球營運商收入嘅44%。

研究亦指出,雖然疫症大流行對5G網絡推出有一定影響,但係各國嘅電訊營運商喺重新部署之下都成功將影響減到最低。
5G網絡嘅推進仍然按預期計劃進行,影響唔算太嚴重。

而5G嘅使用量亦超出最初嘅預期。預測到咗2025年5G用戶總數量將會超過15億。去到2025年,5G網絡嘅收入估計會比其他電訊網絡多出250%。

而為咗確保對5G網絡付出高額投資有所回報,營運商將會將5G網絡定價偏向高位。
由於5G網絡高速高頻寬低延時嘅特性,未來五年內,流動網絡數據流量將會大大增加270%。

營運商嚟緊要新建更多獨立機站去增強5G服務嘅性能,因為現有網絡未必能夠滿足到日後5G嘅需求。
營運商未來將要喺5G速度同延時方面競爭。如果滿足唔到用戶對5G網絡嘅期望,用戶將會大量流失。

LEAVE A REPLY

Please enter your comment!
Please enter your name here