調查顯示,截至8月已經有38個國家/ 地區推出咗5G網絡。而為數唔少嘅國家/ 地區亦已經開始籌備緊推出5G流動網絡。

預計5G將會喺3年半內就可以達到10億用戶。比起4G用咗4年,而3G更加用咗12年,5G普及嘅速度更快。

當中以北美同東南亞嘅5G發展最快。幾乎每個東南亞國家都對5G技術進行咗投資。

韓國係第一個推出5G網絡嘅國家,預計到咗2025年,韓國接近60%嘅流動網絡用戶都係使用5G網絡。

不過根據調查數據顯示,喺速度方面韓國並唔係第一。佢哋只係排第二名,5G網絡速度最快嘅國家係沙特阿拉伯。

至於5G電話出貨量方面,預計2020年全年出貨量大概係2.4億部。當中中國市場出貨量超過1.6億部,市場佔有率大約係67.7%。
喺未來5年內,中國5G電話出貨量亦都會持續佔據全球約一半嘅市場比率。

LEAVE A REPLY

Please enter your comment!
Please enter your name here