近日有媒體報導,由於對5G速度同營運商服務不滿,韓國近五分之一(接近560,000名)5G用戶最近降級重新使用4G網絡。

韓國廣播通信委員會表示,由於對5G網絡質素欠佳,覆蓋範圍唔夠同收費昂貴等等嘅不滿之下。最近大概有 562,656 名用戶放棄使用5G而重新選用4G網絡。

2019年4月3號,韓國成為世界上第一個提供5G流動網絡服務嘅國家。 但係由於接收差,好多韓國消費者取消咗5G合約轉用4G網絡。

截至8月底,重新使用4G網絡嘅5G用戶佔韓國三間流動網絡營運商 SK Telecom、KT同LG Uplus 5G用戶總數嘅 6.5%。

雖然更改合約程序非常煩複,但係消費者仍然堅持更改合約,因為佢哋都忍受唔到5G喺速度、覆蓋各方面都表現未如理想。再加上5G月費比4G高,更加令佢哋覺得唔值。

最初韓國政府同流動網絡營運商聲稱5G傳輸速度會比4G LTE快20倍。但係實際上5G平均速度只係比4G LTE快4倍。
另外5G嘅覆蓋範圍主要限於首爾地區同韓國六個主要城市。

係電訊公司誇大咗,定係消費者期望過高?相信只要俾多少少時間,5G 同 4G 嘅用戶體驗應該真係會有好明顯嘅分別。

LEAVE A REPLY

Please enter your comment!
Please enter your name here