Apple iPhone 12 似乎陸陸續續都遇到一啲唔同嘅軟件問題。
啱啱就有用戶投訴佢哋喺 iPhone 12 Message app 度收唔到群組短信。

呢個相信並唔關網絡營運商嘅事,因為呢個問題喺用唔同電訊公司嘅用戶身上都有發生。

受影響嘅用戶都話佢哋睇唔到群組短信嘅回覆。而好多時群組都係同工作有關,如果睇唔到群組短信或者回覆會對工作有好大影響。

由其依家有好多人都 work from home, 睇唔到工作群組嘅信息會嚴重影響工作效率。

而問題似乎唔止喺iOS同iOS用戶之間發生。iOS同Android用戶之間互傳嘅短信都受影響。

一位 AT&T iPhone 12 用家話佢完全接收唔到群組信息,甚至連單對單嘅短信都唔係次次收到。喺佢向 Apple 作出投訴之後已經過咗兩星期都仲未有解決方法。

雖然暫時未知係咩問題,但係相信問題唔係喺電訊公司身上。因為美國三大電訊商都有用戶遇到同樣嘅問題。

相信 Apple 已經知道呢個問題並唔係好小數,亦都正在努力研究中。希望快啲可以有軟件更新去修復呢個問題。

LEAVE A REPLY

Please enter your comment!
Please enter your name here