愛立信同高通一齊發表嘅一份報告裏面顯示,5G將為三個關鍵行業帶嚟接近150億英鎊嘅經濟增長。

預計英國四分之三以上嘅經濟增長將會嚟自製造業、農業同建築業。 報告預測,5G喺呢幾個行業上嘅應用將會為經濟創造額外148億英鎊。

報告更加按每個行業細分,預計5G將會為製造業帶嚟52億英鎊,為建築業帶嚟42億英鎊,為農業帶嚟22億英鎊。

經濟收益將會嚟自「創新」,創新將會通過5G應用去實現,當中包括以下幾項主力用途:

1)連接感應器可以對工廠、農作物同建築工地進行實時監控。
2)自動駕駛或者無人駕駛車輛。
3)AR技術可以提高生產力同加強培訓嘅效率。
4)實時機械人技術,利用機械人工作可以大大減少維修同監視建築工地嘅危險性。

Bosch 已經同BT、愛立信合作,喺英國開設咗第一間5G智能工廠。工廠應用咗一啲5G技術,包括配合實時監察減少機器停機時間,並且通過實時感應器去提高安全性。

而隨住好多公司慢慢開始由疫情當中恢復過嚟。英國政府亦提出「重新建構綠色」並希望5G有助減少浪費同提高效率,同時實現例如低碳農業之類嘅目標。

不過愛立信同高通亦都喺報告中警告,如果政府唔採取一啲政策去加大5G發展嘅力度,英國嘅5G可能會追唔上其他國家。

雖然英國係歐洲當中比較早推出5G嘅國家,但係到依家為止佢哋5G嘅覆蓋率喺歐洲只係屬中等水平。

LEAVE A REPLY

Please enter your comment!
Please enter your name here