保加利亞流動網絡營運商A1已經喺保加利亞首都索非亞推出咗5G網絡。暫時服務只係覆蓋市中心區域,居民區同商業地區。

佢哋仲計劃12月15號之前完成布爾加斯嘅5G網絡建設,覆蓋90%嘅城市,令佢成為保加利亞第一個全覆蓋5G城市。A1使用3.6 GHz頻譜5G基站,公司聲稱可以提供高網速同極低嘅延遲。

A1喺2018年初已經喺保加利亞測試5G網絡。嚟到2020年11月終於正式推出商用5G服務。

通過對5G大量投資加上努力開發新技術同功能,A1希望透過5G幫助企業同社會繼續發展。

公司暫時只係喺索非亞同布爾加斯推出咗5G服務,不過去到2021年第一季尾,5G網絡將會覆蓋10,000多個民眾定居點。 而喺未來四年裏面,A1將會投資超過7.8億保加利亞列弗(3.99億歐元)落自家嘅5G網絡。

保加利亞通訊法規委員會(CRC)聲稱5G網絡嘅引入將會大力推動經濟,流動網絡服務同社會嘅發展。而引入新技術亦都係歐盟成員國其中一項優先事項。

歐盟要求成員國到2020年底最少有一個城市擁有5G網絡。

LEAVE A REPLY

Please enter your comment!
Please enter your name here