喺愛立信5G產品嘅幫助之下,丹麥嘅 TDC NET 成為第一間5G信號覆蓋全國範圍嘅北歐流動網絡供應商。
愛立信已經喺丹麥全國3,800多個無線信號發射站進行咗升級,亦都代表咗5G覆蓋率已經達到90%,4G網絡速度更加提升咗50%。

12月1號,愛立信同丹麥 TDC NET 正式完成咗3,800幾個發射站嘅更新。 令到 TDC NET 成為北歐地區第一間推出全國性5G流動網絡嘅電訊公司。
除咗開通5G網絡服務之外,網絡升級亦為廣大用戶帶嚟另一個好處,就係連帶原有嘅4G網絡速度都提高咗接近50%。

愛立信丹麥地區經理 Niclas Backlund 表示,好開心可以同 TDC NET 合作,令到丹麥成為第一個擁有全國性5G流動網絡嘅北歐國家。

兩間公司喺2020年7月合作啟動咗一個創新中心,目的係令更多丹麥唔同領域嘅公司/ 行業使用5G網絡生態系統。

2019年12月,瑞士同愛立信合作成為歐洲第一個喺全國范圍推出5G服務嘅國家。不過其他歐洲市場嘅5G網絡主要都係集中喺大城市推出。

其他地區方面,5G網絡覆蓋最廣泛嘅應該係美國、中國同韓國。 根據2020年11月嘅《愛立信移動性報告》,預計到今年年底,5G覆蓋率將達到全球人口15%,高過2019年年底嘅5%。預計到咗2026年將會增長到60%。

到目前為止,愛立信喺歐洲18個國家/地區,幫33個唔同嘅網絡供應商提供咗5G網絡服務。

LEAVE A REPLY

Please enter your comment!
Please enter your name here