華為最近發佈咗一個名為《 5G未來》嘅報告。報告顯示,絕大多數愛爾蘭人都希望5G可以盡快普及。

報告綜合咗千幾個成年愛爾蘭人嘅網上調查,加埋200個中小型企業老闆或者管理層嘅另一項調查結果而成。
調查發現,有80%愛爾蘭消費者認為,到2025年,愛爾蘭將會有廣泛嘅5G網絡覆蓋。而佢哋亦都認為5G對愛爾蘭社會發展極為重要。

61%受訪者認為5G將可以支持新技術並改善現有同新興技術。 智能能源系統(60%),智能家居(45%),智能城市(40%)同實時翻譯(5%)。以上提及到嘅5G項目,都被認為會對愛爾蘭未來發展發揮重要作用。

32%愛爾蘭消費者表示,如果將來推出無人機送貨,佢哋絕對會使用。而41%成年人則認為5G主導嘅自動駕駛汽車將會改善一啲危險工作嘅安全性。 39%表示,佢哋好樂意使用 Amazon Go 之類嘅自動付款無人商店。

58%表示,佢哋希望5G喺疫情之後嘅愛爾蘭經濟復甦發揮重要作用。
調查結果指出,消費者認為5G喺將來唔單止有可以改善日常生活,而且仲可以令愛爾蘭喺未來幾年裏面加速發展。

之前有另一項調查指出,如果推遲推出5G,可能會令到愛爾蘭嘅技術創新放緩同經濟增長下滑。到咗2030年,甚至可能會導致126億歐元嘅GDP損失。

LEAVE A REPLY

Please enter your comment!
Please enter your name here