隨住愛立信加快喺英國嘅5G發展,預計到2022年將會產生800個新嘅工作崗位。

根據已達成為英國四大流動網絡營運商提供5G建網,並提高網絡覆蓋率同容量嘅協議。愛立信針對英國5G網絡推出計劃將會產生800個直接同間接嘅就業機會。

呢次招聘將會包括愛立信直接聘用嘅大概250個職位,其餘職位會通過愛立信嘅合作夥伴聘請。
喺建築工程、項目管理同現場營運呢幾個範疇裏面將會增強愛立信喺英國發展5G網絡嘅能力,並有助實現英國政府希望順利由4G過渡5G嘅目標。

愛立信將會喺今年年底喺英國開設新嘅5G發展中心,將會有助提升英國5G嘅部署能力。中心裏面嘅培訓設施亦會為工程師同現場服務專業人士提供最新嘅5G技術,並培養重要技能,用以加速英國數碼基礎設施轉型。

由愛立信同高通合作嘅一份報告裏面,將英國目前5G發展情況評估為歐洲國家中嘅「平均水平」。
不過報告亦預計,如果英國能夠充分利用5G網絡嘅潛力,有機會可以實現148億英鎊嘅額外經濟增長。

LEAVE A REPLY

Please enter your comment!
Please enter your name here