根據一項最新研究顯示,到2025年,中國5G聯網汽車銷量將會達到710萬部,佔中國聯網汽車總銷量 40%。

研究指出,預計4G聯網智能汽車服務喺2020年將會達到780萬部,佔中國聯網汽車總銷量 95%。

不過隨住5G喺中國快速發展以及汽車行業預計將由2021年開始快速增長,5G聯網汽車銷量亦都會快速增加。

雖然受疫情影響,但係預計2020年中國嘅聯網汽車銷量將會達到820萬部,比2019年嘅810萬部增加咗 0.8%。

以全球比例計算,預計2020年中國將會佔銷量 26.8%,成為全世界第二大聯網汽車市場。

美國預計將會以 30% 市場佔有率繼續保持市場領導地位,而歐洲將排名第三,同中國市佔率幾乎打成平手。

預計到2025年,中國三大電訊營運商 – 中國移動、中國聯通同中國電信將會喺5G網絡上面投資約1,840億美金。

2019年第一季開始,知名汽車品牌 Mercedes Benz, BMW 同 Audi 已經為大多數汽車提供4G聯網。

喺2019年4月華為發表咗全世界第一個5G遠距離信息處理模組(MH5000)之後,Audi 已經立即安裝咗喺品牌嘅汽車上面,並且喺2019年尾京中高速公路進行咗公開示範。

預計 Audi 好快會將5G聯網汽車推出市場,而之後各大品牌都會陸續推出。

LEAVE A REPLY

Please enter your comment!
Please enter your name here