華為中國運營商業務部副總裁楊濤喺5G網上發佈會上面表示,截至目前,全球已經發佈咗40部5G智能電話,當中中國品牌佔超過30部。

目前全球已經有超過34個國家同地區推出咗5G網絡服務,率先喺醫療、製造、媒體資訊等各個行業發揮咗實際嘅效用。

今次對抗肺炎疫情過程中,5G遙距會診、5G遙距直播、協助辦公等應用喺防控救治、資源調配等方面發揮出重要作用。

講開華為,上年其中一部引人注目嘅摺機就係華為 Mate X。Mate X 一路冇喺香港正式推出,事隔一年改良版 Mate Xs 終於都會喺香港正式上市。

今次呢部升級版,係屏幕材料、摺疊位置結構、5G 連接以及相機技術方面,都進行咗改良。
摺疊屏幕面板採用雙層柔性光學物料製作而成,比單層物料嘅韌較高之外,亦可以減輕出現屏幕摺痕嘅情況。

而摺叠位置部份結構採用含鋯金屬嘅物料打造,比鈦金屬硬 30%,令結構更堅固、耐用。

性能方面,Mate Xs 採用華為研發嘅旗艦 5G 處理器 Kirin 990 5G,對提升電話速度、5G 連接同耗電表現都有進步。

華為 Mate Xs 定價為 HK$19,888,預售日期係 3 月 11 號,而正式推出日期就係 3 月 18 號。

LEAVE A REPLY

Please enter your comment!
Please enter your name here