5G網絡已經喺好多唔同國家推出咗，不過仍然有某啲國家仲係喺起步階段。
據當地媒體報導，巴基斯坦計劃喺2022-23年推出5G流動網絡。將會令現有網絡速度提升10倍咁多，下載速度可以達到每秒1 Gbps，並且可以擴大巴基斯坦嘅各項經濟活動。
巴基斯坦正在為5G技術發展制定全面嘅路線圖。 巴基斯坦電信管理局（PTA）喺舊年一份報告當中表示，希望可以喺2023年進行5G網絡頻譜拍賣。
疫情期間正值就係巴基斯坦開始測試5G嘅時期。呢段期間電子經濟比疫情前擴大咗幾倍。
呢個意外嘅收穫令到巴基斯坦嘅監管機構同一啲經營網上業務嘅公司更加清楚一個更快更穩定網絡嘅重要性。
之前有巴基斯坦嘅流動網絡提供商已經喺2019年同2020年，成功喺部份地區進行咗一啲非商業性嘅5G服務測試。
測試嘅成績係比現有4G網絡速度快咗差唔多10倍。
聯邦IT及電信部發言人表示，政府計劃喺2022年12月之前推出5G流動網絡。
不過專家們仍然抱懷疑態度，認為巴基斯坦需要更長時間（5-7年）先至可以成功推出5G網絡。
