由德薩斯州 Marshall 提交俾法庭嘅一份文件當中顯示,華為同美國無線網絡提供商 Verizon 同意就一部份雙方牽涉嘅5G電信專利許可費爭議,進行私下庭外調解。

華為一年前喺 Marshall 起訴 Verizon,因為雙方未能夠就 Verizon 應該要俾幾多專利許可費華為達成協議。
喺德薩斯州另一個地方 Waco 嘅另一單案件當中,華為聲稱 Verizon 亦侵犯咗屬於佢哋嘅另一項5G專利。

2020年2月6號,華為對外公佈,喺美國德薩斯州東區同西區法院向美國網絡提供商 Verizon 提出起訴。
佢哋要求法院確認 Verizon 侵犯咗華為喺美國獲授權嘅12項電信專利。同時要求 Verizon 就呢12項專利侵權行為對華為進行賠償。

不過啱啱華為就話已經同 Verizon 進行咗一段長時間嘅談判,並且向 Verizon 提供咗詳細嘅專利清單。加埋 Verizon 使用咗華為專利嘅證據。
雖然暫時仲未有結果,但雙方都有持續溝通,希望唔需要再由法庭處理,最終可以得出一個雙方都滿意嘅金額。

LEAVE A REPLY

Please enter your comment!
Please enter your name here