全球供應商協會(GSA)啱啱公佈咗一項最新調查結果顯示,今個月已經發佈咗超過600款可以支援5G網絡嘅流動設備。

組織公佈嘅實際數字係628,喺過去三個月當中增加咗21%。而喺呢628款公佈咗嘅設備當中,有404款已經正式推出咗,可以喺市面上買到。同舊年同期相比增加咗33%。

GSA 研究人員指出,手提電話係呢啲5G設備當中最普遍嘅種類。不過唔單止手提電話,其他各種類型嘅5G設備數量都有增長。
隨除咗手機,已經確定咗仲有其他21種唔同種類嘅設備係支援5G流動網絡嘅。

到目前為止已經發佈咗嘅手機有306款,比12月增加咗12款。當中274款已經正式上市,比上個月增加咗23款。

而家居使用 (室內或室外)嘅流動或非流動性5G網絡產品亦大幅增加。已經公佈嘅有122款,當中有47款已經推出市場。
呢類非流動性5G產品非常多樣化,例如有 WiFi 路由器、WiFi 熱點、手提電腦、平板電腦、無人機、電視同自動售賣機等等。

GSA 預測,5G設備生態系統會急速增長。
隨住高通同聯發科嘅中低階5G晶片開始出貨,相信會有更多唔同廠商推出各式各樣嘅5G產品。

LEAVE A REPLY

Please enter your comment!
Please enter your name here