香港 5G 流動網絡服務推出已經超過一年,4間主要網絡提供商都各有唔同月費計劃同增值服務去吸引用戶由 4G 轉用 5G。

不過想轉用 5G 嘅用家原來除咗 3香港,CSL/ 1010, 中國移動香港同數碼通之外,仲有另一間公司可以選擇。佢就係香港寬頻。

香港寬頻日前推出咗自家嘅 5G 服務月費計劃,同以前 4G 月費計劃一樣,佢哋所提供嘅5G 服務都係租用其他網絡提供相嘅網絡。

香港寬頻嘅 4G 服務主要都係由數碼通同中移動香港提供。不過根據香港寬頻網頁顯示,今次 5G 服務嘅網絡將會改由 3香港提供。
而最新嘅 4G 月費計劃,3香港都加入咗成為網絡服務提供商。

香港寬頻推出嘅 5G 月費計劃,一共有 6 個唔同嘅價錢同埋 3 個數據用量選擇。
分別喺邊度呢?

就係 3 個唔同數據用量都分別有兩種唔同選擇,所以一共有 6 個價錢。
3 款數據用量分別係 20GB, 30GB 同 100GB。每個用量又有兩個選擇:
1)用完指定數據之後,會即刻停止數據使用。
2)用完指定數據之後,可以繼續使用 4.5G 任用數據。

當然新上台會有其他額外優惠,例如指定現有客戶可享額外 $10 月費折扣。
另外上台亦會送高達 $2800 嘅 HOME+ 電子現金券,可以喺 HOME+ 網店購買任何商品。

另外仲會送 myTV SUPER 解碼器、HKBN Safe 同免費 12 日 WiFi 蛋。

有興趣轉用 5G 嘅朋友不防睇睇佢哋嘅月費計劃同其他台比較吓,睇吓邊間啱自己心水。

LEAVE A REPLY

Please enter your comment!
Please enter your name here