最近一份調查報告顯示,流動網絡提供商 AT&T 成為美國「最佳」5G 流動網絡。

報告針對美國45個城市嘅 5G 網絡性能進行測試。除咗 AT&T 之外,T-Mobile 喺報告裏面亦都獲得唔錯嘅成績。

報告裏面關於兩間流動網絡提供商嘅評價分別係:
AT&T 喺 5G下載速度同穩定性方面優勝,而 T-Mobile 嘅 5G 網絡就喺覆蓋率呢項上面勝出。

AT&T 喺大概14個城市裏面錄得最快 5G 下載速度。而 T-Mobile 就喺6個城市當中獲得最快 5G 下載速度。
至於另一間流動網絡提供商 Verizon,就喺 3 個城市裏面得到 5G 最高速度。

報告透露,AT&T 喺31個城市裏面提供到 50 至 100 Mbps 嘅平均下載速度。

而喺進行測試嘅所有45個城市裏面,三個流動網絡提供商當中唯一一間成功達成45個城市 5G 全覆蓋嘅公司係 T-Mobile。

AT&T 同 Verizon 分別喺44同43個城市提供5G服務。不過覆蓋率並唔代表一切。
事實證明同 Verizon 以及 T-Mobile 相比,AT&T 擁有更穩定嘅 5G 網絡。

綜合各方面嘅成績計算,AT&T 5G 網絡嘅可靠性係99.5%。

LEAVE A REPLY

Please enter your comment!
Please enter your name here