中國工信部近日透露,中國已初步建成全球最大規模5G流動網路。
速率係139個國家同地區當中排名第4位。

中國光纖寬頻用戶比例由2015年尾嘅56%提高到94%,使用光纖同4G兩方面嘅比例都超過99%。
5G流動網絡建設方面,截至2021年2月底,中國總共建成79.2萬個5G基站。而使用5G網絡服務嘅5G手機已經達到2.6億部。
預計下半年5G手機出貨量比例將會達到大概80%。

近年中國推出一系列舉措去令到流動網絡費用大幅降低。
商業同家居頻寬呢5年嚟平均費用減幅超過70%,各項費用減幅惠及10億人,金額累計7000億人民幣。


隨住5G網絡發展進一步加快,2020年下半年開始,流動數據費用又下降10%以上。
根據全球流動通訊系統協會資料所得,中國流動通信用戶每月平均支出比其他國家低。

目前中國幾間網絡提供商已經向中小企業提供優惠。亦向農村脫貧戶推出5折優惠,更加向老人家推出長者優惠。
大陸工信部將會進一步督促各流動網絡提供商推出更多針對特定人群嘅優惠,希望唔同嘅人都可以享用到流動網絡嘅便利。

LEAVE A REPLY

Please enter your comment!
Please enter your name here