中國電訊業巨頭華為已經被禁止參加瑞典5G拍賣,各個流動通訊網絡提供商亦被勒令要喺2024年底之前將華為技術刪除。
就以上措施,華為已經對瑞典電訊監管機構提出起訴。

案件星期三喺瑞典行政法院審理,華為同瑞典電訊監管機構會各自表述咗自家嘅立場。不過判決時間暫時仲未有公佈。

華為發言人表示,聽證會係一個好機會俾佢哋去處理同澄清所有對華為嘅錯誤指控。

而華為嘅競爭對手愛立信對華為非常支持,表示佢哋絕對支持同其他公司之間嘅公平競爭。
有人認為愛立信係擔心華為被禁之後,中國會作出反擊。
愛立信目前有將近8%嘅收入係嚟自中國市場。

愛立信高級副總裁 Chris Houghton 話任何限制競爭嘅措施都有可能減慢成個電訊行業嘅發展速度。市場佔有率應該由公司嘅實際技術表現去決定,而唔應該涉及任何政治因素。

遲啲其他歐洲國家會唔會出現類似嘅法院案件暫時都係未知數。
除咗瑞典,英國亦已經禁止華為參與5G網絡建設。

LEAVE A REPLY

Please enter your comment!
Please enter your name here