西班牙政府啱啱表示,西班牙將會喺未來嘅5G拍賣當中,將5G網絡所使用嘅頻譜使用許可期限延長一倍,去到40年。

法例上嘅改變主要係希望各流動網絡提供商同埋投資者可以更了解佢地注入大量資金嘅呢個投資項目。

對於呢項需要大量支出去建設例如光纖網絡之類嘅基礎設施,作出更長遠嘅規劃。

延長牌照使用期限亦可以保證網絡提供商嘅穩定性、可預測性同令到佢哋有足夠嘅投資回報期。

西班牙正準備將佢哋由歐洲復甦基金中獲得嘅1400億歐元當中大概30%用喺發展數碼化計劃,特別係5G流動數據開發呢方面。

經濟部長 Nadia Calvino 表示,西班牙政府將會進行一系列無線頻譜拍賣,其中包括通常用於5G流動數據嘅700 MHZ頻段拍賣。

呢個延長使用期限嘅決定受到各方廣泛歡迎,長期以嚟西班牙當局嘅無線頻譜拍賣一直被抱怨成本過高,而且條件亦都過份嚴格。

LEAVE A REPLY

Please enter your comment!
Please enter your name here