台灣大哥大宣佈5G覆蓋率已經達到台灣人口50%。

台灣大哥大仲公佈咗截至2020年年尾,已經建造咗6000幾個5G 3.5GHz基站,喺六個特定城市提供80% 5G覆蓋,全台5G流動網絡流量覆蓋率大約係70%。

台灣大哥大5G用戶已經超過 600,000 人。

台灣大哥大發言人表示,公司相信一個成功嘅5G網絡,覆蓋率同網速都係非常重要嘅因素。
公司嘅工作重點係提供穩定嘅5G服務去吸引更多用戶選用5G網絡,希望可以加快5G喺台灣嘅普及。

目前台灣大哥大正在同韓國嘅 SK Telecom 緊密合作,希望成功改善5G網絡喺室內信號比較差呢個缺點。

台灣另一間流動網絡提供商台灣之星(Taiwan Star Telecom)最近表示,預計到今年年底5G用戶將會達到55萬。呢個數字將會佔公司整體流動網絡用戶差不多20%。
台灣之星喺2020年8月推出5G服務,目前擁有120,000個5G用戶。

上個月,台灣國家通信委員會(NCC)批准咗亞太電信公司共用遠傳電信公司嘅5G頻譜。 2020年9月,兩間電訊公司宣佈建立合作關係,同時喺台灣3.5 GHz頻段上面提供5G服務。

兩間網絡提供商已經承諾再建造2,000個基站,以擴大5G覆蓋範圍。按照計劃,遠傳電信目標係喺一至兩年內安裝500個5G基站同1,000個4G基站。而亞太電信亦預計會新建500個4G基站。

根據之前嘅報導,遠傳電信已經達到30萬個5G用戶。佢哋仲表示,公司目標係去到下年年底5G用戶可以達到100萬戶。
而5G網絡覆蓋率亦希望可以去到覆蓋全台灣90%地方。

LEAVE A REPLY

Please enter your comment!
Please enter your name here