冰島流動網絡提供商 Síminn 已經同愛立信簽訂咗 5G 設備合約。冰島希望專注喺影音同AR技術,並利用 5G 促進旅遊業發展。

愛立信同 Síminn 一直合作無間,依家亦為 Síminn 提供建立 5G 網絡嘅器材同設備。提供無線電系統產品組合包括 5G RAN 產品同解決方案,以及頻譜共享技術。

Síminn 5G 將會使用 3.5-3.6GHz 中頻帶頻譜。中頻帶 5G 有效提高上下載量,可以將 5G 潛力盡情發揮。5G 流動網絡亦有望可以喺遊戲、運輸同製造業各個領域帶出大量新發展機會。

作為 Síminn 5G 準備工作一部分,佢哋同愛立信喺2019年已經開始進行測試。

Síminn 發言人表示,基於多年嚟同愛立信建立嘅長期良好合作關係,兩間公司可以喺創新技術同改善網絡質素上面一齊研究一啲新嘅可能性。
借助 5G 網絡嘅幫助,公司可以為流動網絡加入更多新嘅增值服務,從而令用戶得益。

愛立信北歐及中歐地區負責人表示,由於旅遊業係冰島最重要嘅產業,所以呢筆同 Síminn 嘅交易表明咗冰島 5G 發展前景非常可觀。

愛立信方面亦提到冰島 5G 重點將會放喺影音同 AR, 以及旅遊業點樣利用呢啲技術去吸引更多旅客。

Síminn 亦會開始幫助更多行業進行全面數碼化轉型,利用 5G 技術令用戶同旅行人士可以以互動方式去深入了解冰島文化同自然生態。

經合組織數據顯示,2017年冰島旅遊業佔咗國家勞動力嘅15.7%。

LEAVE A REPLY

Please enter your comment!
Please enter your name here