O2 幾星期前就宣佈咗目前使用嘅 3.6 GHz 頻率5G網絡,已經大約有1000條天線覆蓋30幾個德國城市。

啱啱佢哋亦已經升級咗位於慕尼黑Helene-Mayer-Ring 10 嘅5G設施,新設施係使用載波聚合技術去提供更快嘅5G網絡服務。
當然,大前提係用戶需要使用合適嘅設備,例如小米 Mi 11 5G。

O2 冇明確指定同3.6 GHz聚合嘅頻率係邊個,只係提及700 MHz同1800 MHz頻帶對加強5G網絡嘅好處。
不過根據當地媒體報導,O2首先會將3.6 GHz同1800 MHz封裝埋一齊,令到5G網絡嘅速度幾乎可以快依家速度兩倍。
而佢哋亦會繼續同時使用動態頻譜共享(DSS),從而令到基站可以喺1800 MHz嘅頻率上同時為5G同4G LTE服務。

O2 較早之前已經承諾咗會喺今年夏天推出獨立5G網絡,但係暫時就仲未有一個明確嘅時間表。
而佢哋嘅其中一間主要競爭對手,Vodafone 最近已經推出咗獨立5G網絡。

一個月前 Vodafone 宣佈已經將大約1,000個3.5 GHz基站升級咗做獨立5G。用戶只要透過軟件升級自己部電話就可以喺幾星期內使用到獨立5G網絡。

LEAVE A REPLY

Please enter your comment!
Please enter your name here