北京市通信管理局表示,截至4月底,北京已經開通咗5.64萬個5G基站,喺中國城市當中名列前茅。
實現咗首都核心區,城市副中心,奧林匹克中心區等等重點區域5G網絡全覆蓋。同時5G測速結果顯示,北京市5G網速已經比4G快咗5倍以上。

截至4月底,北京市已經逐步開通5G基站5.64萬個,其中包括位於室內嘅系統0.89萬個。

目前各個流動網絡提供商已經開始對奧林匹克中心區,冬奧場館,大興國際機場,首都國際機場等重點區域嘅5G覆蓋進行建設工程。

冬奧延慶賽區嘅地面區域,高山滑雪中心同雪車雪橇中心場館都已經實現5G信號全面開通。至於其他15個場館,北京聯通同北京鐵塔亦已經開始咗建設工程,預計8個月後就可以實現5G信號全覆蓋。

由於冬季奧運會期間預計會有大量影片上傳,另外亦都要令觀眾360度無死角睇到運動員嘅表現,所以對網絡上傳流量同速度都有好大需求。

目前配合冬奧嘅京禮高速沿線已經興建咗51個5G基站,隧道裏面亦都實現咗5G信號全覆蓋。
大興國際機場同首都國際機場都一樣完成咗5G信號全覆蓋。

除咗冬季奧運場地,對市民日常生活非常重要嘅交通工具好多都已經成功開通5G網絡。

京張高鐵係中國第一條時速350公里嘅智能鐵路,北京段以及沿線車站率先實現5G信號全覆蓋,速度更加達到914Mbps。

另外京雄高鐵,京哈高鐵,京沉高鐵北京段以及相關車站嘅5G網絡亦正在鋪設當中,預計好快就可以為旅客提供5G服務。

另外北京聯通同華為合作測試6條重點公路嘅5G實際網速。結果顯示,測試全程5G平均下載速度達到626Mbps,上傳速度亦超過220Mbps。低速區域只係佔總長嘅0.35%,5G良好覆蓋率超過九成 。

目前北京嘅5G網絡就算喺行駛中嘅車輛內亦擁有高清直播,影片零緩存,打機零延誤,文件傳輸快等各種5G好處。
整體計算,北京5G網速已經比4G網速快咗5倍至9倍。

LEAVE A REPLY

Please enter your comment!
Please enter your name here