諾基亞啱啱宣佈,將會為瑞典網絡提供商 Net4Mobility 喺某啲地區所推出嘅5G網絡提供設備。據報導合作嘅地區為數將會相當多。

諾基亞表示,已經同 Telenor 加 Tele2 兩間公司合資嘅流動網絡提供商 Net4Mobility 簽署咗一項為期五年嘅合約。佢哋將會提供運用自家 AirScale 技術嘅產品去幫忙建造5G網絡。

Net4Mobility 已經選擇咗諾基亞作為喺瑞典重要地區推出5G服務嘅合作夥伴。不過佢哋並冇提供有關覆蓋區域實際範圍有幾大嘅相關詳細資料。

瑞典係歐洲其中一個喺建設5G網絡當中全面禁止華為參與嘅國家之一。不過華為正在嘗試經法律途徑去挑戰瑞典啲個禁制令。

另一方面,諾基亞發言人表示正在為拆除現有供應商嘅設施做準備。
基本上諾基亞所講嘅拆除現有供應商設施,就係會淘汰華為嘅4G網絡,再用自己嘅網絡設施取而代之。

諾基亞更加表示,同 Net4Mobility 喺5G設施上嘅合作,同時都可以改善到傳統4G網絡嘅性能。
而喺合作期內諾基亞會不斷新建基站,更承諾每年新建嘅基站將會達到相當大數量。

Net4Mobility 亦都會利用5G拍賣當中贏得嘅3.5 GHz頻率去覆蓋人口密集嘅城市。

Net4Mobility 表示佢哋已經喺瑞典幾個最大嘅城市提供5G網絡服務,目標係到2023年年底為瑞典99.9%人口提供5G服務。

LEAVE A REPLY

Please enter your comment!
Please enter your name here