美國流動網絡提供商 Verizon 早前公佈同14個體育館簽署一項長期合約,負責提供場館內嘅5G網絡。

Verizon 作為15個喺以上場館內比賽嘅NBA球隊獨家5G合作夥伴,Verizon 5G服務已經覆蓋60幾個大型運動場同體育館。

有咗5G流動網絡嘅幫助,球迷可以透過手機 app 將球場或冰上嘅活動即時傳送到自己嘅手提設備上面。

5G網絡仲可以幫助場館方面更有效執行場地保安、交通、場內資訊以及人流控制等等。

Verizon 發言人表示,隨住觀眾們重新參與現場活動,加強場館現場體驗同營運嘅需求日益增加,5G網絡將會扮演其中一個重要角色。

Verizon 有份投資嘅 ShotTracker app 目前正在喺 Verizon 5G Performance Cente 進行測試。借助5G所帶嚟嘅方便,球隊同廣播公司可以利用5G收集到嘅即時數據去自動推測球員嘅投籃選擇,個球嘅移動方位同球員嘅表現。
綜合以上嘅資料,提供近乎實時嘅球賽分析。

通過以上所講嘅資料收集同 app 互相配合,現場觀眾可以即時知道自己鍾意嘅球員喺比賽現場嘅成積、表現同狀態等等。

例如,粉絲可以將5G手機鏡頭指向某位球員就即刻會睇到嗰個球員嘅實時統計資料同現場比賽分析。

通過5G連線高速、大流量同超低延時嘅好處,觀眾可以即時重溫比賽當中每一個射籃、傳球或者攔截。

Verizon 5G網絡覆蓋近期增加咗70幾個城市,11個機場以及60幾個體育館同運動場。
5G用戶可以喺接收情況良好嘅情況之下獲得超快網速,最高可以達到4 Gbps。

Verizon 5G現時嘅全國范圍覆蓋有2700幾個城市大約2.3億人。

LEAVE A REPLY

Please enter your comment!
Please enter your name here