巴西通信部長早兩日表示,政府預計 5G 網絡頻譜拍賣將會喺下個月進行。
佢預計巴西審計法院對拍賣規則嘅質詢唔會推遲拍賣,政府已經對法院所有問題作出回應。

預計巴西所有州份首府都會喺下年 7 月之前推出獨立 5G 網絡。 到2028年,流動網絡提供商必須遵守 5G 頻譜拍賣所有附帶要求。
拍賣要求網絡提供商向巴西所有城市提供 4G 網絡以及向巴西北部地區提供光纖網絡服務 。

巴西電信監管機構 Anatel 之前批准咗今年 5G 網絡頻譜拍賣嘅規則,並決定將華為排除喺網絡設備供應商名單之外。

電信公司被要求喺下年 7 月 30 號之前喺州首府城市使用最新版本嘅 5G 技術建立獨立網絡。呢個要求亦大大提高咗各網絡提供商嘅投資金額。

巴西電信公司希望政府可以堅守自由市場呢個原則,聲稱如果排除華為設備將會需要花費數十億美金額外開支去更換現有設備。
華為設備佔目前 3G 同 4G 網絡設施嘅 50%。

預計會喺 6 月舉行嘅拍賣規則要求電信公司喺廣闊嘅亞馬遜地區提供寬頻連線,主要會使用鋪設喺巴西東北部以及河流裏面嘅光纖電纜。 同時亦須要覆蓋所有聯邦高速公路。

預計 Telefonica Brasil、America Movil 旗下嘅 Claro 以及 Telecom Italia 都會參與 5G 頻譜競投。

Anatel 估計,頻譜拍賣將會喺未來 20 年產生大概 143 億美金嘅投資。
電信公司將會需要投資大約 15 億美金,當中包括為聯邦政府建立一個安全網絡。

LEAVE A REPLY

Please enter your comment!
Please enter your name here