有消息人士透露台灣一項針對 5G 網絡嘅最新計劃。
計劃內容係關於台灣國家通信委員會（NCC）將會撥款 266 億新台幣（9.576 億美金），幫助當地流動網絡提供商將 5G 網絡建設時間由之前預算嘅五年縮短到三年。
計劃仲包括呼籲各個網絡提供商喺五年內增加網絡覆蓋率。希望到時可以將覆蓋率由原來 50% 人口呢個目標，增加到 85% 人口。
計劃推出頭兩年將會喺總預算當中撥出 155 億新台幣去資助建立大約 17,000 個 NSA（非獨立）5G 基站。
按照之前嘅預算，當地各個流動網絡提供商估計須要建立超過 50,000 個 5G 基站先至可以維持 5G 網絡服務。
同時，經濟部仲會提供額外津貼去優化VR、AR、MR、XR、數碼化等等 5G 相關嘅新技術或者開發 5G 應用程式。
希望藉住各種 5G 周邊產業可以促進地方經濟發展。
