據消息報導,三星一名高層透露,隨住世界各地推出5G嘅地方越來越多,歐洲正在成為三星保持公司網絡設備業務增長嘅主力市場。

三星雖然係全世界第一大內存芯片同智能電話生產商,但係市場研究顯示,根據公司最近四季嘅數據以及2021年第一季市佔率10%至15%。
5G網絡設備方面三星只係第五名,排喺華為、愛立信、諾基亞同中興通訊之後。

三星網絡業務執行副總裁喺接受媒體訪問嘅時候表示,隨住舊年9月公司同美國主要流動網絡提供商之一 Verizon 簽訂一份66億美金嘅合約。今年3月又同日本最大流動網絡提供商 NTT Docomo 達成合作協議。
三星喺5G設備上落後於其他公司呢個情況應該會有改變。

目前三星正在同唔同嘅歐洲電信公司進行5G測試,例如捷克嘅德國電信(Deutsche Telekom)、波蘭嘅 Play Communications 同另一間歐洲大公司。

除咗歐洲,三星亦希望可以打開印度、澳洲同其他東南亞國家嘅市場。
佢哋表示自從2019年5G網絡喺多個國家推出以嚟,公司5G設備同系統嘅新客戶數量平均每年增長35%。

三星亦都極力推銷虛擬無線接入網絡(RAN)技術。呢個係一款虛擬軟件,可以幫助電信公司使用現有嘅網絡設備令用戶以多種組合方式連接到網絡。好處係可以節省成本同埋有更大嘅靈活性。

Verizon 已經將呢項技術應用喺5G RAN上面。而喺韓國,所有網絡提供商嘅5G核心網絡都係虛擬化嘅。

三星嚟緊嘅目標係成為5G網絡設備業務前三名。不過公司就冇透露希望用幾耐時間去實現呢個目標。
只係話唔可以操之過急。

LEAVE A REPLY

Please enter your comment!
Please enter your name here