愛立信之前發表咗一份5G消費者研究報告,呢份係到目前為止同類報告當中規模最大嘅。報告收集咗13億消費者同2.2億5G用戶嘅意見。

報告指出,5G用戶花更多時間喺手機遊戲同AR上面,20%用戶喺升級5G之後減少咗喺屋企同其他地方使用Wi-Fi 。

七成5G用戶期待更多創新服務同應用程式。對於頭批轉用5G嘅用戶嚟講,室內覆蓋範圍嘅重要性比速度又或者電池壽命多兩倍。

愛立信消費者實驗室發表嘅報告研究咗5G對全世界智能電話用戶嘅影響。
而室內覆蓋範圍係今次研究嘅重點領域之一。 五分一5G用戶因為5G流動網絡嘅優點而喺室內減少咗手機Wi-Fi使用。

今次呢份報告係研究咗美國、中國、韓國、英國等26個地方5G消費者嘅取向同意見,代表咗全球13億智能電話用戶,其中包括2.2億5G用戶。

報告同時亦探討咗消費者對5G嘅睇法同認識。當中發現,去到2020年尾,由於消費者對5G服務嘅優勢認識多咗,收費亦開始下調。擁有 5G手機而同時使用5G流動網絡服務嘅智能手機用戶數量增加咗大約22%。
到咗2021年,至少3億智能手機用戶將會使用5G網絡。

另外,報告仲強調5G係點樣改變咗用戶嘅使用習慣。除咗Wi-Fi使用減少咗之外,同4G用戶相比,5G早期用戶每星期平均用多兩個鐘頭喺網上游戲,用多一個鐘喺AR app上面。

而由於舊年受疫情影響,居家隔離措施同出外限制,5G早期用戶嘅日常使用都係喺室內。所以呢批早期用戶都認為室內接受強度同覆蓋範圍比速度更重要。

LEAVE A REPLY

Please enter your comment!
Please enter your name here