根據最新研究報告顯示,LG Uplus 嘅5G網絡喺韓國首爾無論係速度、延時同覆蓋範圍方面都比其他流動網絡提供商優勝。為用戶提供咗最佳嘅5G體驗。

報告裏面比較咗2021年上半年韓國四個主要城市嘅5G性能。

就 LG Uplus 而言,佢哋已經係連續第三年保持5G網絡領導者嘅地位。 另外報告亦發現 ,雖然 LG Uplus 嘅5G帶寬只有80MHz,低過對手 KT 同 SK Telecom 嘅100MHz帶寬,但係對頻譜利用嘅效率係最高嘅。

流動網絡已經成為社會裏面嘅基礎設施,同水、道路或者電力一樣重要。
韓國流動網絡提供商喺推出有助推動5G體驗嘅相關應用程式方面處於領先地位。

根據嚟自另外四個國家嘅5G報告結果,首爾嘅 LG Uplus 被評定為全球最佳5G網絡。
具體嚟講,LG Uplus 嘅流動網絡覆蓋所有地方,包括室外、室內、高鐵、地鐵等等,5G可用性達到95.2%。
亦即係代表佢哋嘅網絡基本上無處不在,遠遠領先於紐約同倫敦等大城市。 至於5G速度方面都係最快,平均速度有640.7Mbps。

不過韓國另外兩大網絡提供商 KT 同 SK Telekon 嘅表現都一樣令人滿意。 三大網絡提供商嘅5G可用率合共已經提升到93%以上,平均速度超過461Mbps,基本上用戶無論身處任何地方都可以接收到5G網絡。

LEAVE A REPLY

Please enter your comment!
Please enter your name here