最近一個研究報告結果顯示,2025-2030年期間,人口密集城市平均需要2GHz頻寬嘅中頻頻譜去提供穩定高速流動網絡服務。

而實際需要嘅中頻段頻譜數量因城市而異,中頻段大約為1500MHz-6GHz。 人口密度、基站分佈等等因素都會對特定城市頻譜需求產生影響。

喺研究嘅36個城市當中,香港對中頻段頻譜量需求最高,估計需要高達3.7GHz頻寬嘅中頻段頻譜。

雖然每個城市需要嘅額外頻譜數量都唔同,但係可以肯定嘅係,所有城市都需要比預期更多頻譜,而所需嘅額外數量遠遠大於目前計劃開放嘅頻譜數量。

如果冇額外頻譜,喺某啲情況下就唔可以發揮到5G嘅全部實力。

網絡提供商可以通過增加基站數量對網絡進行密集化,幫助解決頻譜短缺嘅問題。
不過並唔係所有城市都適合實現基站密集化。如果基站更加密集有機會會互相干擾,最終都係需要更多頻譜去解決。

呢份報告目的係希望可以向監管機構施加壓力,令佢哋喺2025-2030年期間,隨住5G開始漸漸成為主流,可以為流動網絡服務提供平均2GHz頻寬嘅中頻段頻譜。

LEAVE A REPLY

Please enter your comment!
Please enter your name here