西班牙 Vodafone 宣佈愛立信成為公司將會推出嘅5G新技術合作夥伴。
佢哋會聯手喺西班牙推出第一個測試版獨立核心5G網絡 (SA)。

愛立信嘅雙模5G核心網絡可以令 Vodafone 能夠利用5G獨立技術嘅特性去開發同測試更多新嘅應用可能,可以俾用戶體驗到5G真正嘅實力。

新技術嘅實現可以為流動網絡帶嚟巨大改進,包括超低延時、大幅增加5G容量同可以達到更大嘅覆蓋範圍。

愛立信呢個雙模5G核心網絡技術同 Vodafone 現有嘅網絡可以無縫接合。西班牙 Vodafone 現有嘅流動網絡用戶,無論4G或者5G都可以感受到更流暢嘅網絡體驗。

愛立信發言人表示,同 Vodafone 喺流動網絡上面合作咗好多年。今次引入5G核心獨立網絡,會將西班牙5G服務提升到一個新水平。

西班牙 Vodafone 方面亦都表示今次推出嘅測試網絡對未來5G服務嘅發展非常重要。

希望透過獨立核心5G網絡嘅特性,可以發展出更多有利消息者嘅服務。令更多用戶可以真正體會到5G嘅好處,從而加快大衆轉用5G網絡嘅步伐。

LEAVE A REPLY

Please enter your comment!
Please enter your name here